विनोद पाण्डे, काठमाडौं, फागुन २८-  दस दिनअघि युवा राष्ट्रिय टोलीमा पर्नुलाई नै सफलता मानेका १६ वर्षीय निश्चल पाण्डेले खेलेको चार दिनमै दुईवटा अन्तर्राष्ट्रिय कीर्तिमान राखिसकेका छन्। भैरहवा क्षेत्रबाट यही वर्षदेखि राष्ट्रिय क्रिकेटको स्वाद चाखेका चितवनवासी निश्चलले चार दिनअघि पहिलोपटक अन्तर्राष्ट्रिय प्रतियोगितामा उत्रिँदा राम्रो बलिङ वा ब्याटिङ गर्नेसम्मको लक्ष्य राखेका थिए।