केपी ढुंगाना, काठमाडौं, भदौ १८ (नागरिक)- सात वर्षदेखि नाङ्गो नाच देखाउँदै आएको एक्स डान्स बारका मालिक स्टालिन शेचरनलाई प्रहरीले पक्राउ गरेको छ। ६ महिनादेखि प्रहरी खोजी सूचिमा रहेका उनलाई महानगरीय प्रहरी परिसरको विशेष टोलीले शुक्रबार साँझ सामाखुशीबाट पक्राउ गरेको हो।
काठमाडौँ, भदौ १८- अख्तियार दुरुपयोग अनुसन्धान आयोगले सभासद्ले छोरालाई प्रहरी निरीक्षक बनाउन घूस खुवाए भन्ने विभिन्न सञ्चारमाध्यमबाट प्रकाशित समाचारको सत्य-तथ्यबारे अनुसन्धान गर्ने भएको छ।
शङ्कास्पद भन्दै छानबिन गर्न माग- भोजराज भाट, काठमाडौं, भदौ १८- गोर्खाबाट काठमाडौं आइरहेका माओवादी उपाध्यक्ष डा. बाबुराम भट्टराईको गाडीमाथि त्रिशूली खण्डमा एक बसले शङ्कास्पद तरिकाले ठक्कर दिएको छ। मुगलिन-गजुरी खण्डमा पर्ने चितवन दारेचोक गाविस-९ तिस्लिङमा बिहान ११ : १० मा उनी चढेको वा १ छ ७५८ नं. को गाडीमा लु १ ख ६१३९ नं. को बसले ठक्कर दिएको हो।
मनोज अधिकारी, पोखरा, भदौ १८- पृथ्वीनारायण क्याम्पसको स्वर्णजयन्ती समारोहमा भाग लिन राष्ट्रपति रामवरण यादव पोखरा आउने कार्यक्रम खराब मौसमका कारण लगातार दोस्रो दिन पनि सफल हुन सकेन। यही कारण हेलिकप्टर उड्न नसकेपछि बिहीबार स्थगित भएको राष्ट्रपतिको आगमन शुक्रबार सरेको थियो।
काठमाडौं, भदौ १८ (नागरिक)- प्रधान मन्त्री माधवकुमार नेपालले नेपाली सेनालाई अनुगमनबाट मुक्त गर्ने गरी कार्यदेश घटाएर अनमिनको म्याद थप्ने समझदारी बन्दै गएकाले सहयोगका लागि राजदूतहरुसँग आग्रह गरेका छन्। जवाफमा राजदूतहरुले राजनीतिक सहमतिमा सरकारले गर्ने निर्णयबाट कुनै अप्ठ्यारो नपर्ने बताएका थिए।
भक्तपुर, भदौ १८ (नागरिक)- एमालेका अध्यक्ष झलनाथ खनालले एमालेलाई तटस्थ बसेर देशलाई अनिर्णयको बन्दी बनाएको भनेर आरोप लगाउने दलहरु प्रतिगामी भएको आरोप लगाएका छन्। साथै उनले २० गते हुने प्रधान मन्त्रीको चुनावमा पनि प्रधान मन्त्री चुन्न नसकिने बताउँदै दुवै उम्मेदवारले फेरि हार्ने बताए।
खगेन्द्र अधिकारी, ताप्लेजुङ, भदौ १८- पाँचथर कारागारबाट एक युवा आज मध्याह्न प्रहरी नियन्त्रण तोडेर भागेका छन्। सिदिन-१ पाँचथर घर भई करणीको अभियोगमा जेल जीवन बिताइरहेका २५ वर्षीय सुन्दर राई प्रहरीको नियन्त्रण तोडेर भागेका हुन्। उनलाई खाना खुवाउन जवानतर्फको खाना खाने स्थलतर्फ लैजाँदै गर्दा प्रहरीको आँखा छलेर भागेका थिए।
मिथिलेश यादव, लहान, भदौ १८- कृष्ण जन्माष्टमीको पूजापछि महेशपुर पतारीस्थित पोखरीमा मूर्ति विसर्जन गर्न गएका तीन जना बालबालिको शुक्रबार दिउँसो डुबेर मृत्यु भएको छ। घटनामा एकै टोलका दुई बालक र एक बालिकाको मृत्यु भएको जनाउँदै घटनाको विस्तृत विवरण आउन बाँकी रहेको प्रहरी निरिक्षक लालब्वज सुबेदीले बताए।
काठमाडौँ, भदौ १८ (नागरिक)- गृहमन्त्री भीम रावलले दुई दुई महिनासम्म कामचलाउ मन्त्रिपरिषद्को मन्त्री भएर काम गर्नुपर्दा आफूलाई लाज लाग्न थालिसकेको बताएका छन्। राजधानीमा आयोजित एक कार्यक्रममा उनले भने, 'प्रधानमन्त्रीले नै राजीनामा दिइसकेको अवस्थामा मन्त्रीले के राजीनामा दिनु?'
मिस नेपाल बौद्धिक प्रतियोगिता हुदै होइन । कोही भ्रममा नपरे हुन्छ । यो विशुद्ध सौन्दर्य प्रतियोगिता हो । सौन्दर्य भनेका बाहिरी सौन्दर्य । प्रतियोगितामा सोधिने केही प्रश्नले कसैको बौद्धिकता या दिमाग नाप्न सकिन्न ।
गजेन्द्रकुमार ठाकुरमहानिर्देशक, खानेपानी तथा ढल निकास विभाग
पानी जीवनको मुख्य आधार हो । पानीविनाको जीवन कल्पनासम्म गर्न सकिँदैन । स्वच्छ खानेपानीको अभावले मानव स्वास्थ्यमा विभिन्न
नयाँ पत्रिका
काठमाडौं, १७ भदौ
जनआन्दोलन-२ का घाइते तेजबहादुर रावलकी श्रीमती र दुई छोराको ज्यान छिमेकीले दिएको पाँच सय रुपैयाँले जोगिएको समाचार नयाँ पत्रिकाले प्रकाशित गरेपछि उनको
नयाँ पत्रिका
काठमाडौं, १७ भदौ
पार्टीभित्रका सबै नेतालाई समेटेर पार्टीको नेतृत्व गर्न अध्यक्ष पुष्पकमल दाहाल प्रचण्डलाई माओवादीका अधिकांश केन्द्रीय सदस्यहरूले सुझाब दिएका छन् ।
केन्द्रीय समितिको जारी बैठकमा
